fbpx
skip to Main Content

Ja, Venstre vil ha gang- og sykkelveg på Rævesandveien

Vi viser til eit godt dokumentert lesarinnlegg frå Roligheden FAU og Rævesand velforening i Agderposten 19. juni, med krav om gang. Og sykkelveg på Revesandvegen NÅ. Svaret frå Venstre er JA, vi vil ha denne vegen. Det var nettopp slike viktige og livsreddande prosjekt vi ville skaffe pengar til, da Venstre i bystyret i mai og i fylkestinget 18. juni stod opp mot det lettvinne frieriet med å seie nei til bompengar for å finansiere Areal- og trabsportplan for Arendalsregionen. Det er jo nettopp å redde liv og få miljøvennleg trafikk ei bypakke skal finansiere. Venstre vil ha trygg skoleveg, trygg arbeidsveg, trygg fritidsveg med gang- og sykkelveg på Revesandveien. Vi vil også ha bussen nedom Skilsø så folk kan kombinere sykkel og ferje.

Fleirtalsvedtaket i Arendal bystyre 30. mai er useriøst, uansvarleg og direkte skadeleg, særleg for barn og unge som har skoleveg langs vegar som Revesandveien.

Takk til Ellen Knudsen, Gro Røinaas Kvammen og Helene Fladmark i Roligheden FAU og Linda Pedersen Haugerud i Rævesand velforening for viktig varsku.

Som Roligheden FAU og Rævesand Velforening vil vi berømme kommunens saksbehandlarar for godt arbeid. Men Venstre treng å få med seg fleire enn SV og to modige utbrytar frå Høgre for å få fleirtal for å få trygg skoleveg på Rævesandveien. NÅ.

For Venstre i Arendal bystyre og Aust-Agder fylkesting
Pål Koren Pedersen, Cathrine Høyesen Hall, Jacob Handegard og Jan Kløvstad,

 

Back To Top